You Tuben aurkitutako autisten ezaugarrien bideo bat daukazue hemen.
2011-01-13
Autismoari buruzko Webquest-a
Hemen ipintzen dizuet nire gaiari lotuta dagoen Webquets bat, espero dut lagungarria izatea. Azpian ikus dezakezue irudia.
TESTU BIRSARTUA
Ondoren, haur autistak eta hezkuntzari buruzko datu batzuk utziko ditut. Hau testu birsartu bat da.
HAUR AUTISTAK ETA HEZKUNTZA • Haur autistek kanpotik ikasi behar izaten dute besteek barrutik edo berez ikasten edo sentitzen dutena. • Autistek garatzen dituzten jarrera a-normalen esparrua oso zabala da. • Autistak duen ahalmen kognitiboen maila orokorrak eragina du autistak esparru horretan duen lekuan. • Ezin dugu pentsatu autistak bere inguruan duenaz informazioa jasotzeko gogoa duenik eta, beraz, haur autistek motibatuta egoten ikasi behar dute.
HAUR AUTISTEN ARGAZKIEN BILDUMA
Haur autisten argazki bilduma bat daukazue hemen, Picassan egindakoa. Oso argazki politak dira hauek eta espero dut zuen gustokoak izatea.
PODOMATIC
Podomatic-en aurkitutako irrati batean egindako autistei buruzko elkarrizketa bat da. Oso interesgarria dela iruditzen zait, informazio ugari ematen dutelako gai honi buruz. Azpian elkarrizketa daukazue.
TXERTO HIRUKOITZA EZ DAGO AUTISMOAREKIN ERLAZIONATUTA
Azterketak argi utzi du artikuluetan azaldutako ikerketak oker eginda zeudela; batzuetan ez zegoen kontrol-talderik, beste batzuetan ikertutako taldea txikiegia zen... Hala eta guztiz ere, susmoa oso errotuta dago, eta inolako kalterik ez duela eragiten ziurtatzeko, ikerketa gehiago behar direla uste dute hainbat zientzialarik.
AUTISMOA NEREBEZARO ETA HELDUTASUNEAN
Nerabezaroko garaian, posible dira aldaketak bi norabideetan agertzea: Posible da garapen positiboa indartzea edo autistaren jarrera arazoak berragertzea ( antsia, auto-erasoa…) edo halaber bestelako zailtasunak agertzea (krisialdi epileptikoak). Kasu guztietan mantentzen da harreman pertsonalentzako ezintasuna, eta maila intelektual handiko autistei, gainerako pertsonen asmo eta arrazoiak ez ulertzeak estualdia sortzen die.
![](https://blogger.googleusercontent.com/img/b/R29vZ2xl/AVvXsEjSYj33XGEkubuD9DG_EkWtgPIYoaPeByU8QF651gNg-r9LABFNajDsz_BF3IjheIWeI7G-71PF86Gw98m2MPJCspKZBRMaMQS4Njvo4I7Z_WVyj1vtUWmr_QdGHJ8fI7RXy_Fv9-v9fxKn/s1600/AAAAAAAAAAA.bmp)
HEZKUNTZA ERANTZUNA
Curriculumaren plangintza egiterakoan ume autistekin kontutan hartu beharreko irizpideak honako hauek dira:
- Ikaslearen HPBetatik abiatu behar da. Arlo ezberdinei lehentasuna eman behar zaie, adibidez, komunikazio-trebetasunen irakaskuntza eta ikaskuntzari, pertzepzioaren garapenari, hots, arreta, oroimena, imitazioa, irudimena, jolas sinbolikoa, etab., eta eguneroko bizitzako arazoen ebazpenen irakaskuntza eta ikaskuntzari.
- Haur hauei, gaitasunen arabera irakatsi behar zaie eta trebetasunak garatzeko aukera guztiak aprobetxatu (irakaskuntza inzidentalaren bitartez).
- Autonomia handienarekin eta bere adin kronologikoa duten pertsonekin elkarreragina bultzatu behar da.
- Ikaskuntza egoerak oso egituratuta egon behar dute. Jardueren antolamendua, estimuluen egituraketa eta ingurunearen erantzunak ezarri behar dira eta haur autistei ez zaie inoiz ere ez jolastera behartu behar.
- Ahozko komunikazioa, kasu batzuetan autistek komunikatzeko duten era bakarra da. Beraz, ahozkoak ez diren komunikazio-estrategiak irakatsi behar dira: keinuak, begiradaren erabilera, zeinuak, grafikoak, marrazkiak, piktogramak, etab. eta hauek funtzionalki erabiltzeko testuinguruak ahalbideratu behar dira.
Haur autistak hezkuntzarekin duten loturari buruzko informazioa gehiago nahi baduzue jo ezazue web orrialde honetara.
HEZKUNTZA PREMIA BEREZIAK
![](http://3.bp.blogspot.com/_z_vAZs2iMLI/Ru0NxIDfsCI/AAAAAAAAAhg/m5DNXEjMyWI/s320/gech_0001_0001_0_img0029%5B1%5D.jpg)
Komunikazio-trebetasunen eta estrategien garapena, elkarreragin sozialaren garapena eta ezagutza-trebetasunen garapena: pertzepzioa, arreta, oroimena, imitazioa, irudimena eta jolas sinbolikoa.
Zentzumenezko eta pertzepzioekiko sentsibilitate handia dutenez informazio gehiegi jasotzen dute modu deskontrolatu eta anabasa batean eta, ondorioz, ezin dute informazioa ondo sailkatu. Dinamikaren arloan dituen premiak, motrizitate lodia eta fina dira. Eta azkenik, autonomi eta gizarteratze azturetan dituzten premiak ere kontuan hartu behar ditugu.
AUTISMOA ETA X HAUSKORRAREN SINDROMEA
Zientzia. net- eko autisten inguruko artikuluan irakurri dudanez, Munduko Osasun Erakundearen arabera, autismoaren jatorria eta patologia ez daude definituta eta, ondorioz, autismoa hautemateko pertsonaren portaerari begiratu behar zaio. Hori dela eta, autismoaren markatzaileak bilatzeko, hiru mailatan ikertzea proposatzen da: morfologikoan, zitogenetikoan eta molekularrean.
Testuan dio, esku- eta oin-markekin hasi zirela ikertzen. Markatzaile morfologiko horiek oso egokiak dira gorputzaren asimetria ikertzeko, eta, hain zuzen ere, azterketa horiexek egin zizkieten haur autistei.
Ikerketa haien emaitzek erakutsi zuten haur autistek asimetria aldakorra izateko joera handiagoa zutela gainerako pertsonen aldean.
Azkenik irakurri dut, ikerketa morfologikoen ondoren, azterketa zitogenetikoak egin zituztela haur haiekin. Horretarako, haurren kromosomak aztertu zituzten kontuan izanda kromosometan bazirela hausteko joera zuten puntuak. Puntu horietako bat, hain zuzen ere, X kromosoman dago eta FRAXA izenez ezagutzen da.
Emaitzak ikusita, ikertzaileek ondorioztatu zuten haur autistek toki hauskorrak espresatzeko normala baino joera handiagoa zutela.
Informazio gehiago nahi baduzue zoazte hona.
AUTISMOAREN INGURUKO TAULA BAT
UME AUTISTAK GIPUZKOAN, 1985. URTEAN
Adina | Biztanlegoa (1985) | Autistak (4) |
0-4 | 70.098 | 28 |
5-9 | 62.602 | 25 |
10-14 | 69.540 | 28 |
15-19 | 70.417 | 28 |
GUZTIRA | 272.657 | 109 |
Suscribirse a:
Entradas (Atom)